Rossiyaning Voronej viloyati Novoxopyorskiy tumani Troitskoye qishlog‘ining 30 yoshli fuqarosi keyinchalik arzonroqqa sotib olish maqsadida qo‘shni imoratga o‘t qo‘yishga uringani uchun, unga qarshi jinoyat ishi qo‘zg‘atildi, deya xabar bermoqda TJournal IIVning viloyat bo‘yicha bosh boshqarmasiga tayanib.
Hodisa 6-may kuni kechqurun sodir bo‘ldi. Tergov ma’lumotlariga ko‘ra, erkak alkogol mastlik holatida bo‘lgan va o‘z uyiga qo‘shni binoni, uni keyinchalik pasaytirilgan narxda sotib olib, o‘z hovli-joyini kengaytirish maqsadida yoqib yuborishga qaror qilgan.
Odam yashamaydigan uyga ayblanuvchi oynani sindirib kirgan, yog‘och polga o‘zi bilan olib kelgan motor moyidan quyib, politsiya ma’lumotlariga ko‘ra, sigareta, gugurt va skotchdan “qo‘lbola yondiruvchi qurilma yasagan”. Ammo qurilma ish bermadi va polning bir joyi kuyib teshildi, xolos.
Politsiya jinoyat sodir etilgan vaziyatni avgustdagina tekshirib tugatdi. Erkakka nisbatan “jinoyatga tayyorgarlik ko‘rish va jinoyatni amalga oshirishga urinish” hamda “birovning mulkini qasddan yo‘q qilish yoki zarar yetkazish” moddalari bo‘yicha jinoyat ishi qo‘zg‘atildi.
Izoh (0)