Turkiyalik jurnalist ayol Janan Kaya 2016-yilgi Olimpiada o‘yinlari bo‘lib o‘tayotgan Rio-de-Janeyro markazida jinoyatchilar tomonidan do‘pposlandi. Bu haqda u Sport matbuoti xalqaro assotsiatsiyasiga ma’lum qildi, deb yozadi “TASS”.
“Juma (12-avgust) kuni ertalab menga uch yigit hujum qildi, ulardan biri yuzimga musht tushirdi, so‘ng ular meni yerga yiqitdi, — dedi Kaya. — O‘tkinchilardan hech biri menga yordam berish uchun to‘xtamadi. Ular qochib ketganidan keyin men Olimpiada o‘yinlari tashkiliy qo‘mitasi xodimlari va ko‘ngillilar yoniga bordim. Ulardan hech kim menga yordam bera olmadi, kim bilan gaplashish haqida maslahat bera olmadi, natijada o‘zimni yanada yomonroq his qildim”.
Braziliyaning Globo portali xabariga ko‘ra, politsiya jinoyatni shu kuni kunning ikkinchi yarmida fransiyalik sayyohlarga hujum qilishda ayblanib qo‘lga olingan shaxslar guruhi amalga oshirganini gumon qilmoqda.
Izoh (0)