Yerevanda politsiya binosi qo‘lga olinishi chog‘ida halok bo‘lgan politsiyachilar soni uch kishiga yetdi

Yerevanda politsiya polki qo‘lga olinishi natijasida halok bo‘lganlar soni uch kishiga yetdi, deb yozadi “TASS”.

13-avgust kuni Yerevan kasalxonalaridan birida politsiya praporshchigi Gagik Mkrtchyan vafot etdi, u 17-iyul kuni qurolli guruhning Armaniston poytaxtidagi patrul-post xizmati polkiga hujumi chog‘ida og‘ir jarohatlar olgan edi.

Otishma chog‘ida politsiya katta praporshchigi qorni, ko‘kragi va oyog‘idan og‘ir yaralanib, to‘rtta jarrohlik operatsiyasini boshidan kechirgan edi.

17-iyul kuni 31 nafar radikal muxolifat tarafdorlaridan iborat qurolli guruh “KrAZ” yuk mashinasida patrul-post xizmati polkining darvozasini buzib kirdi va harbiy qism hududini egallab oldi. 31-iyul kuni kechqurun qurolli guruh hukumatga taslim bo‘ldi, uning a’zolari hibsga olindi.

• Yerevandagi qurolli qo‘zg‘olon