Qozog‘iston tashqi ishlar vaziri Yerlan Idrisov BMTning Nyu-Yorkdagi bosh qarorgohida iqlim o‘zgarishi bo‘yicha Parij kelishuvini imzoladi, deya xabar bermoqda “Interfaks” TIV matbuot xizmatiga tayanib.
Idrisov o‘sha kuniyoq BMT bosh kotibi Pan Gi Mun bilan uchrashuv o‘tkazib, Qozog‘istonning BMT bilan hamkorligi joriy holati va istiqbollarini, shuningdek, mamlakatning 2017—2018-yillarda BMT Xavfsizlik Kengashiga a’zoligi bo‘yicha birlamchi vazifalarni muhokama qildi.
Iqlim bo‘yicha Parij kelishuvi 2015-yilning oxirida Fransiya poytaxtida global iqlim o‘zgarishi muammolariga bag‘ishlab o‘tkazilgan BMT anjumani yakunlariga ko‘ra qabul qilingan edi.
Izoh (0)