Obama: Respublikachilar nomzodi prezident bo‘lishga loyiq emas, u buni isbotlashda davom etmoqda

AQSh prezidentligiga nomzod Donald Tramp mamlakat rahbari bo‘lish uchun yetarli malakaga ega emas. “Respublikachilar nomzodi prezident bo‘lishga loyiq emas, u buni isbotlashda davom etmoqda”, deya ma’lum qildi AQSh prezidenti Barak Obama Singapur bosh vaziri Li Syanlun ishtirokidagi matbuot anjumanida chiqishi chog‘ida. Bu haqda “Interfaks” xabar bermoqda.

Tramp Iroqda halok bo‘lgan amerikalik musulmon harbiy oilasi sha’niga bildirgan ta’na-dashnomlari uchun Obamadan navbatdagi tanqidga uchradi. Prezident Hurmat medali sohibining oilasi faqat chuqur izzat-ikromga munosibligini bildirib, Trampning so‘zlari u Yevropa, Osiyo hamda Yaqin Sharqdagi mavjud vaziyat haqida tushunchaga ega emasligi va o‘z-o‘zidan, prezidentlikka tayyor emasligini ta’kidlab o‘tdi.

AQSh prezidenti Trampning partiyadoshlari ham shov-shuvli bayonotlari tufayli undan o‘zini chetga tortishi, “Bas, yetar” deb aytishi zarur, deb hisoblamoqda.