Braziliya parlamenti yuqori palatasi — federal senat maxsus komissiyasi ma’ruzachisi Antoniu Anastasia mamlakat prezidenti lavozimidan vaqtincha chetlatilgan Dilma Russeffning uzil-kesil iste’fosini yoqlab chiqdi. Bu haqda Globo nashri manbalariga tayanib, “TASS” xabar bermoqda.
“Impichment jarayoni tashabbuskorlari murojaatida keltirib o‘tilgan dalillarning jiddiyligi gap moliyaviy rasmiyatchiliklar buzilishi emas, konstitutsiyaga qarshi haqiqiy jinoyatlar haqida ketayotganiga shubha qoldirmaydi”, — deya ta’kidladi senator. Anastasia yaqin soatlar mobaynida komissiya yig‘ilishida 450 varaqli ma’ruzasini oshkora o‘qib eshittirishi kutilmoqda.
Ma’ruza 4-avgust, payshanba kuni komissiyada ovozga qo‘yiladi, 9-avgust kuni esa senatning plenar yig‘ilishida muhokama etiladi. Agar uning a’zolaridan yarmidan ko‘pi Russeff iste’fosi maqsadga muvofiqligi haqidagi dalillarga qo‘shilsa, yuqori palata mazkur masalani ko‘rib chiqishning yakuniy bosqichiga kirishadi, aks holda jarayon to‘xtatiladi.
Izoh (0)