Yaponiya hukumati 274 milliard dollardan iborat iqtisodiyotni rag‘batlantirish dasturini tasdiqladi

Yaponiya hukumati 28,1 trillion iyenadan (274 milliard dollar) iborat mamlakat iqtisodiyotini rag‘batlantirish dasturini tasdiqladi. Tegishli qaror vazirlar mahkamasining 1-avgust, dushanba kungi yig‘ilishida qabul qilindi, deya xabar beradi “TASS”.

Dastur bolalar bog‘chalari va mijozlarga qarash muassasalari xodimlari mehnatini rag‘batlantirish, kompaniya xodimlari va ish beruvchilarning sug‘urta to‘lovlarini pasaytirish, shuningdek, infrastrukturani rivojlantirishga yo‘naltirilgan. Jumladan, hukumat turizmni rivojlantirish uchun infrastruktura qurilishini qo‘llab-quvvatlash, 2045-yilga kelib Tokio va Osaka o‘rtasida magnit yostiqchalaridagi “Maglev” poyezdlari tarmog‘ini ishga tushirishni rejalashtirmoqda.

Mablag‘larning bir qismi Yevropada biznes olib borayotgan hamda Buyuk Britaniya Yevroittifoqdan chiqishidan jabrlanishi mumkin bo‘lgan kichik va o‘rta kompaniyalarga ko‘mak berish uchun sarflanadi. Hukumat shaxsiy iste’molni rag‘batlantirish uchun kam daromadli kishilarga 15 ming iyena (146,5 dollar atrofida), yoshlarga esa kundalik ehtiyoj mahsulotlariga vaucherlar ajratishni mo‘ljallamoqda.