Rossiyaning Yamal-Nenets avtonom okrugidagi Sibir kuydirgisi o‘chog‘ida markaziy harbiy okrugning radiatsiya, kimyo va biologik himoya bo‘linmalari 50 dan ortiq bug‘u qoldiqlarini yo‘q qildi. Bu haqda okrug qo‘shinlari qo‘mondoni yordamchisi polkovnik Yaroslav Roshchupkin ma’lum qildi, deya xabar beradi “TASS”.
“Sutka davomida otryad kuydirgi bilan kasallangan 52 hayvon qoldig‘ini yo‘q qildi. Kuydirishdan oldin tadqiqotlar uchun to‘qimalar namunalari olindi. Bevosita infeksiya o‘chog‘ida 70 dan ortiq mutaxassis ishlamoqda”, — deya ta’kidladi Roshchupkin.
Yamaldagi 8 nafar bug‘uchida Sibir kuydirgisi tashxisi tasdiqlandi. Xavfli infeksiya tufayli 12 yoshli o‘smir halok bo‘ldi. Salexard okrug kasalxonasida 90 nafar mahalliy aholi vakili qolmoqda, ulardan aksariyati bolalar. 200 dan ortiq kishi kuydirgidan antibiotiklar yordamida davolanmoqda.
Izoh (0)