Туркияга саёҳат қилмасликни тавсия қилаётган «Ўзбектуризм», ҳимояланганлик ҳисси билан яшайдиган ўзбекистонликлар, фаолиятини якунлаган Руслан Чагаев ва куннинг бошқа муҳим янгиликлари

29 июлнинг эътиборга молик янгиликлари — «Дарё»нинг кечки дайжестида.

1. Ўзбекистон фуқаролари ҳимояланганлик ҳисси бўйича дунёда 2-ўринни эгаллади. Таққослаш учун, Тожикистон қонун ва тартиб индексида 89 балл билан тўртинчи, Швейцария 88 балл билан бешинчи поғонани эгаллади.

2. «Ўзбектуризм» вазият барқарорлашмагунича, Туркияга саёҳат қилишни тавсия этмайди. Туркия ҳудудидаги Ўзбекистон фуқароларига зарур эҳтиёт чораларига риоя қилиш тавсия этилди.

3. 29 июлга ўтар кечаси «Юлдузлар ёмғири»ни кузатиш мумкин бўлади. Ушбу ҳодисани Ўзбекистон ҳудудида булутсиз ҳаво шароитида кузатиш мумкин.

4. Уч карра Олимпиада чемпиони Артур Таймазов Россия Давлат Думаси сайловлари учун номзодини қўйди. Артур Таймазов эркин кураш бўйича Ўзбекистон делегацияси сафида 4 та Олимпиадада иштирок этиб, шуларнинг учтасида олтин медалга эга чиққан.

5. Ўзбекистонлик боксчи Руслан Чагаев карьерасини якунлади. «Руслан бизга карьерасини якунлаши ҳақида маълум қилди», — деди боксчининг менежери Тимур Дугазаев.

Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.