Eron Islom respublikasi prezidenti saylovlari 2017-yil 19-may kuni bo‘lib o‘tadi. Bu haqda Tasnim agentligi ma’lumotlariga tayanib, “TASS” xabar bermoqda.
“Mamlakatdagi 12-prezidentlik saylovlari kelgusi yil 19-may kuni o‘tkaziladi”, — deyiladi agentlik xabarida.
Eron prezidenti ijro hokimiyati rahbari, mavqeyi bo‘yicha mamlakat rahbaridan (hozirda mazkur lavozimni oyatulloh Ali Xomanaiy egallab turibdi) keyingi ikkinchi rasmiy shaxs hisoblanadi. Prezident umumiy yopiq ovoz berish natijalariga ko‘ra 4 yillik muddatga, yana bir muddatga qayta saylanish imkoniyati bilan saylanadi.
Hozirgi prezident — Hasan Ruhoniy 2013-yil 3-avgustda mazkur lavozimda ishga kirishgandi.
Izoh (0)