Avstraliyalik teleboshlovchi Jeyd Kotik iyul oxirida Gold-Kost shahrida to‘g‘ridan-to‘g‘ri efirda ishlayotgan chog‘ida uning ortida to‘satdan noma’lum erkakning qo‘lga olinishi boshlandi. Bu haqda TJournal xabar bermoqda.

Aksariyat kishilar kabi o‘girilib qarash o‘rniga Kotik studiya bilan hech narsa ro‘y bermayotgandek muloqotda bo‘lishni davom ettirdi.

Keyinchalik ma’lum bo‘lishicha, erkak yaqin atrofdagi yoqilg‘i quyish bekatida o‘zining xatti-harakati bilan fuqarolar tinchini buzgan. U o‘g‘rilik, jamoat tartibini buzish va huquq-tartibot kuchlariga qarshilik ko‘rsatishda ayblanib, hibsga olindi.