Turkiyada joriy qilingan favqulodda holat mamlakat fuqarolarining kundalik hayotiga va sayyohlarga ta’sir o‘tkazishi kerak emas, shunday ekan, Turkiyada xavfsiz hordiq uchun hech qanday cheklov va to‘siqlar yo‘q, deya ta’kidlaydi mamlakat hukumati. Bu haqda “Interfaks” xabar bermoqda.
“Ushbu choralar huquq va erkinliklarni cheklamaydi, Turkiya fuqarolari va mamlakatga sayyohlik maqsadida kelgan mehmonlarning kundalik hayotiga ta’sir o‘tkazmaydi, shuningdek, xalqaro sayyohlik va havo orqali harakatlanish uchun cheklovlar kiritmaydi. Mehmonlarimiz xavfsiz hordiq chiqarishi uchun Turkiya hududida hech qanday to‘siq va cheklovlar yo‘q”, — deyiladi Turkiyaning Moskvadagi elchixonasi Facebook sahifasida.
Eslatib o‘tamiz, Turkiyada favqulodda holat 21-iyul, payshanba kuni mahalliy vaqt bilan soat 01:00 dan boshlab uch oy muddatga joriy etildi.
Izoh (0)