Janubiy Qozog‘iston viloyatining Sariog‘och tumanida bukmekerlik idorasini qurolli tunashda gumon qilinayotgan to‘rt kishi qo‘lga olindi. Bu haqda “Interfaks” xabar bermoqda.
Hodisa 6-iyulda sodir bo‘ldi, biroq talonchilarni tutishga endi muvaffaq bo‘lindi. Ular orasida 1998 va 1999-yillarda tug‘ilgan ikki maktab o‘quvchisi ham bor.
Tergov materiallariga ko‘ra, qirqma miltiq bilan qurollangan va niqob taqqan yigitlar bukmekerlik idorasiga otilib kirgan va xodimalardan birini o‘ldirish bilan tahdid qilib, kassadan 90 ming tenge olgan.
Ashyoviy dalil sifatida qo‘lga olinganlardan ov qirqma quroli musodara etildi. Mazkur holat bo‘yicha “Talonchilik” va “Noqonuniy qurol saqlash” moddalari bilan jinoiy ish qo‘zg‘atildi.
Izoh (0)