Fransiya parlamenti mamlakatda favqulodda holat rejimini olti oy muddatga uzaytirish haqidagi qonun loyihasini uzil-kesil tasdiqladi, deya xabar bermoqda “TASS”. Hujjat respublika parlamentining ikkala palatasi — Milliy majlis va Senatdagi yakuniy ovoz berishlarda a’zolarning ko‘pchiligi tomonidan qo‘llab-quvvatlandi.
Parlamentning ikkala palatasida debatlar natijalariga ko‘ra kelishilgan matnni Milliy majlisda 87 deputat yoqlab chiqdi, 5 kishi qarshi ovoz berdi. Senatda favqulodda holat rejimi uzaytirilishini 316 senator qo‘llab-quvvatladi, 26 nafari qarshi chiqdi.
14-iyul kuni Nitssada sodir bo‘lgan hujumdan so‘ng Olland mamlakatdagi favqulodda holat rejimini yana uch oyga uzaytirgandi.
Rejim Parijning “Bataklan” klubida sodir etilgan teraktlardan keyin kiritilgan edi.
Izoh (0)