Amerikaning Fan va xalqaro xavfsizlik instituti ekspertlari sun’iy yo‘ldoshdan olingan suratlarda KXDR hududidagi yadro obyektini aniqladi, u haqda bungacha hech qanday ma’lumot bo‘lmagan, deb yozadi “RIA Novosti” tashkilot ma’ruzasiga tayanib.
Tadqiqotchilar ma’lumotlariga ko‘ra, Shimoliy Koreya hukumati uranni boyitish uchun sentrifugalarni yaratishda aviatsiya ehtiyot qismlarini ishlab chiqairish bo‘yicha fabrika binosidan foydalangan bo‘lishi mumkin, u Penxen aviabazasi yaqinida, Yonbendagi reaktordan 43 km uzoqlikda joylashgan.
KXDRdan qochib o‘tganlar mamlakatda sentrifuga ishlab chiqarish bo‘yicha uchta fabrika borligini ta’kidlaydi. Ularning qayerda joylashganligini mamlakat hukumati oshkor qilmayapti.
Markaz ma’ruzasida aytilishicha, o‘z ismini ochiqlamagan mansabdor Pxenyanda uranni boyitish uchun 200 dan 300 tagacha sentrifuga borligini ma’lum qilgan.
KXDRning yadro obyektlari haqidagi to‘liq ma’lumot mamlakat yadro dasturi bo‘yicha xalqaro kelishuvga erishish uchun zarur bo‘ladi.
Izoh (0)