Chilonzor buyum bozori (“Otchopar”)dagi avtoturargohlardan birining xodimlaridan chiqqan tashabbus Facebook’dagi “Voditeli Tashkenta (Drivers.uz)” guruhi a’zolari olqishiga sazovor bo‘ldi.
“Jaziramada mashinamni bozor yonida qoldirgan edim. Qaytib kelib, hayron qoldim: avtoturargoh xodimlari barcha avtomobillarning old oynalarini karton qog‘oz bilan yopib chiqibdi. Barakalla!”, — deb yozgan xabar muallifi.
Xabarga ilova qilingan suratda avtoturargohdagi avtomobillarning old oynalari karton qog‘oz va boshqa vositalar yordamida yopib chiqilganini ko‘rish mumkin.
Fotoxabar ostida fikr bildirgan foydalanuvchilarning ko‘pchiligi mazkur tashabbusni olqishlagan, bu xabardan ko‘ngli ko‘tarilganini ma’lum qilgan.
Bir guruh foydalanuvchilar esa: “Ularning bu xizmatiga ortiqcha ming so‘m bersang ham arziydi”, — qabilida fikrlar yozib qoldirgan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)