Toshkentning Shota Rustaveli va Mirobod ko‘chalari chorrahasidagi aylanma harakatda 17-iyulga o‘tar kechasi Nexia va Lacetti avtomobillari ishtirokidagi yo‘l-transport hodisasi yuz berdi. Bu haqda Facebook’dagi “Voditeli Tashkenta” va “Voditeli Tashkenta (Drivers.uz)” guruhlarida xabarlar qoldirilgan.
“Grand Mir mehmonxonasi oldida ayanchli avariya yuz berdi”, — deb yozadi foydalanuvchilarning biri. Hodisa guvohiga aylangan boshqa foydalanuvchilar ham YTHni “juda dahshatli” deb ta’riflagan.
“Men shu mehmonxona oldida turaman, derazam chorrahaga qaragan. Men bu chorrahada yuz bergan ko‘plab avariyalarni ko‘rganman, biroq bu tundagi kabi YTHning guvohiga hech qachon aylanmagan. To‘qnashuv natijasida avtomobillardan biri yonib ketdi”, — deb yozadi foydalanuvchilardan biri.
Foydalanuvchilarning aniqlik kiritishicha, to‘qnashuv natijasida Lacetti’da alangalanish yuz berib, avtomobil olov ichida qolgan.
Hodisa oqibatida tan jarohati olganlar to‘g‘risidagi aniq ma’lumot yo‘q.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)