Facebook’dagi “Voditeli Tashkenta (Drivers.uz)” guruhida e’lon qilingan yo‘lovchi eshiklari yuqoriga ochiladigan Chevrolet Cobalt’ning surati qizg‘in bahs-munozaralarga sabab bo‘ldi.
Bir qator foydalanuvchilar avtomobil eshiklarini qayerda va necha pulga shunday qilish mumkinligiga qiziqqan.
Foydalanuvchilardan biri: “Avtomobilini garajga qo‘yadiganlar uchun bu noqulay yechim”, — deb yozgan bo‘lsa, boshqasi: “Tiqilinch avtoturargohlarning ichida bunday eshik — ayni muddao”, — deb fikr bildirgan.
Ayni vaqtda, bir guruh foydalanuvchilar bu oliftagarchilikdan boshqa narsa emas, qabilida izohlar yozib qoldirgan. “Buning hech qanday qulayligi yo‘q, turgan-bitgani xo‘jako‘rsinga”, — deb yozadi guruh a’zolaridan biri.
Boshqa bir foydalanuvchi esa shunday fikr bildirgan: “Buning nimasi yomon? Lipillaydigan stop-signaldan bir necha bor yaxshiroq-ku? Bu xuddi 18—20 dyuymli g‘ildiraklarga o‘xshaydi — noqulay va befoyda, biroq qanday chiroyli!”.
Eshigi yuqoriga ochiladigan Chevrolet Cobalt’ning suratini e’lon qilgan foydalanuvchi keyinroq Nexia va Lacetti’ning ham shunday suratlarini ilova qilgan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)