Toshkent shahrining Mirzo Ulug‘bek tumanida, TTZdagi “Korzinka.uz” supermarketi yaqinida 13-iyul oqshomida ikki Matiz ishtirokida yo‘l-transport hodisasi yuz berdi. Bu haqda Facebook’dagi “Voditeli Tashkenta (Drivers.uz)” guruhida fotoxabar qoldirilgan, hodisa guvohlari voqea tafsilotlari bilan o‘rtoqlashgan.
“TTZdagi “Korzinka.uz” yaqinida qattiq avariya bo‘lgan. Men yetib borgan vaqtim, tez tibbiy yordam mashinasi shifoxonaga jo‘nab ketdi. Matiz’ni tashlab yuborsa ham bo‘ladi. Bir necha kishini mashina ichidan olib chiqishgan va ular yo‘l yoqasidagi maysazorda yotgan edi”, — deb yozadi fotoxabar muallifi.
Foydalanuvchilardan birining yozishicha, yo‘lda harakatlanib kelayotgan Matiz yo‘l yoqasida turgan Matiz’ga borib urilgan. “Kelib urilgan Matiz ichida to‘rt kishi bor edi, hammasi tirik edi, bari spirtli ichimlik ta’siri ostida edi”, — deb yozadi voqea guvohi.
Guruh a’zolari o‘z kommentlarida yo‘llarda ruxsat etilganidan yuqori tezlikda harakatlanishni, mast holda avtomobil boshqarishni keskin qoralagan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)