Toshkentdagi Inha universiteti rektori Sherzod Shermatov va Huawei kompaniyasi bosh direktori Van Pen 20-iyul, chorshanba kuni hamkorlik to‘g‘risidagi memorandumni imzoladi. Hujjat O‘zbekistondagi iqtidorli yoshlarni qo‘llab-quvvatlash va mamlakatda axborot-kommunikatsiya texnologiyalarini rivojlantirishga qaratilgan. Bu haqda Ictnews xabar bermoqda.
Axborot-kommunikatsiya texnologiyalari sohasida dunyodagi yetakchi kompaniyalardan bo‘lgan Huawei mazkur memorandum doirasida har yili universitet bakalavriatining besh nafar iste’dodli talabasiga to‘rt akademik yil davomida grantlar taqdim etib boradi. Shuningdek, talabalar uchun maxsus IT-kurslar tashkil etish ham rejalashtirilmoqda. Mashg‘ulotlar o‘tash uchun dunyodagi yetakchi oliy o‘quv yurtlari professorlari va kompaniya mutaxassislari jalb etiladi.
Talabalarning Startup loyihalarini qo‘llab-quvvatlash hamkorlikning yana bir muhim yo‘nalishi bo‘ladi. Huawei talabalar maxsus loyihalar, dasturiy ta’minot va qarorlarni ishlab chiqishiga ko‘mak berishga qiziqish bildirdi. Kelgusida ularni nafaqat O‘zbekiston, balki global bozorda ham foydalanish mo‘ljallanmoqda.
Tomonlar universitet binosida IT-laboratoriyalar yaratish imkoniyatini ham ko‘rib chiqadi. Bu yerda talabalar Huawei kompaniyasining turli jihozlaridan foydalanishning amaliy ko‘nikmalarini egallashi mumkin bo‘ladi.
Izoh (0)