Korporativ boshqaruv markazi Biznesni boshqarish magistri (Master of Business Administration) mutaxassisligi bo‘yicha magistraturada tahsil olish uchun 2016/17-o‘quv yiliga talabnomalar qabul qilish boshlanganini e’lon qildi. Bu haqda “Gazeta.uz” xabar bermoqda.
Tahsil kunduzgi shaklda, to‘lov-kontrakt asosida ikki yillik magistratura ta’limi dasturi bo‘yicha olib boriladi va magistr darajasi hamda davlat namunasidagi diplom beriladi.
Markaz vakillarining bildirishicha, o‘quv dasturlari xalqaro standartlar asosida ishlab chiqilgan va O‘zbekiston hamda xorijdagi yetakchi kompaniya va korporatsiyalarda stajirovka o‘tashni ko‘zda tutadi. Qabul yoshi 40 gacha bo‘lgan, oliy ma’lumotga ega, o‘quv yurtini bitirgach kamida uch yil ishlagan, O‘zbekiston fuqarosi bo‘lgan xo‘jalik boshqaruvi organlari, aksiyadorlik jamiyatlari va tadbirkorlik tuzilmalari rahbar xodimlari va mutaxassislari uchun ochilgan.
Hujjatlar 20-iyuldan 20-avgustgacha bo‘lgan muddatda qabul qilinadi.
Izoh (0)