Britaniyalik talaba qiz metroda yo‘l haqini yasama tirnoq yordamida to‘lash usulini topdi

Londonlik talaba Lyusi Devis Britaniya jamoat transportida yo‘lkira sifatida foydalanish mumkin bo‘lgan yasama tirnoqni o‘ylab topdi, deb yozadi Meduza. Tirnoqlaridan biriga u turniketdan o‘tish uchun ishlatiladigan chipni joylashtirdi.

Tirnoqlar oddiy elektron yo‘l chiptasi (proyezdnoy) kabi ishlaydi — barmoqlarni turniketdagi validatorga qo‘yish va o‘tib ketish kerak.

Men Oyster Card (Londonda jamoatchilik transportida yurish uchun qo‘llaniladigan elektron yo‘l chiptasi)’dan RFID-chipni olib, uni yasama tirnoqlarimdan biriga yopishtirdim”, — deya so‘zlab berdi Devis. U, shuningdek, bunday yo‘l chiptasi hisobini to‘ldirish ham mumkinligini aytdi.

Devis London jamoatchilik transportini boshqaruvchi korporatsiya vakillari bilan bog‘lanishga ham ulgurdi. U ushbu usul butun dunyoga tarqalishini istamoqda.