Британиялик талаба қиз метрода йўл ҳақини ясама тирноқ ёрдамида тўлаш усулини топди

Лондонлик талаба Люси Дэвис Британия жамоат транспортида йўлкира сифатида фойдаланиш мумкин бўлган ясама тирноқни ўйлаб топди, деб ёзади Meduza. Тирноқларидан бирига у турникетдан ўтиш учун ишлатиладиган чипни жойлаштирди.

Тирноқлар оддий электрон йўл чиптаси (проездной) каби ишлайди — бармоқларни турникетдаги валидаторга қўйиш ва ўтиб кетиш керак.

Мен Oyster Card (Лондонда жамоатчилик транспортида юриш учун қўлланиладиган электрон йўл чиптаси)’дан RFID-чипни олиб, уни ясама тирноқларимдан бирига ёпиштирдим», — дея сўзлаб берди Дэвис. У, шунингдек, бундай йўл чиптаси ҳисобини тўлдириш ҳам мумкинлигини айтди.

Дэвис Лондон жамоатчилик транспортини бошқарувчи корпорация вакиллари билан боғланишга ҳам улгурди. У ушбу усул бутун дунёга тарқалишини истамоқда.