Turkiya janubida joylashgan Injirlik harbiy bazasi qo‘mondoni davlat to‘ntarishiga aloqadorlikda ayblanib qo‘lga olindi. Bu haqda 17-iyul, yakshanba kuni Sky News Arabia ma’lum qildi, deb xabar beradi “TASS”.
Telekanal manbalariga ko‘ra, qo‘mondon Adana viloyatida ushlangan. Mazkur mintaqada u bilan birga yana 10 nafar yuqori martabali harbiy hibsga olingan.
Ayrim OAV Injirlik bazasi to‘ntarishga urinishdan so‘ng yopilgani, shuningdek, tashqi elektr ta’minotidan uzilganini bildirgandi. Ushbu bazada Suriyadagi terrorchilar marralariga zarbalar uchun foydalaniladigan AQSh, Buyuk Britaniya, Germaniya, Saudiya Arabistoni va Qatar aviatsiyasi joylashtirilgan.
Izoh (0)