Туркия жанубида жойлашган Инжирлик ҳарбий базаси қўмондони давлат тўнтаришига алоқадорликда айбланиб қўлга олинди. Бу ҳақда 17 июль, якшанба куни Sky News Arabia маълум қилди, деб хабар беради «ТАСС».
Телеканал манбаларига кўра, қўмондон Адана вилоятида ушланган. Мазкур минтақада у билан бирга яна 10 нафар юқори мартабали ҳарбий ҳибсга олинган.
Айрим ОАВ Инжирлик базаси тўнтаришга уринишдан сўнг ёпилгани, шунингдек, ташқи электр таъминотидан узилганини билдирганди. Ушбу базада Суриядаги террорчилар марраларига зарбалар учун фойдаланиладиган АҚШ, Буюк Британия, Германия, Саудия Арабистони ва Қатар авиацияси жойлаштирилган.
Изоҳ (0)