«АиФ» Евро—2016 да ўзини кўрсата олган футболчилар қанақа автомобиль ҳайдашини ўрганиб чиқди.
Португалия термаси капитани ва дунёнинг энг яхши ўйинчиларидан бири — Криштиану Роналду учун автомобиль йиғиш хоббидир. Роналдунинг автопаркида жами 19 та машина бор. Улар орасида энг қимматбаҳоси (1,7 миллион доллар) Bugatti Veyron гиперкари бўлиб, у сайёрадаги энг тезкор серияли автомобилдир. Максимал тезлиги соатига 430,9 километрга етади, 100 км/соат тезлик олиш учун 2,5 сония даркор, холос.
Россия термаси ҳужумчиси Александр Кокориннинг Mansory ательесида тюнинг қилинган «Гелендваген»и эса тахминан 1,2 миллион долларга баҳоланмоқда.
Евро-2016’да энг кўп тўп урган Антуан Гризманн (Франция) анча арзон — 160 минг евролик Maserati GranTurismo ҳайдайди. Унинг жамоадоши, ярим ҳимоячи Поль Погба ҳам худди шу маркадаги автомобилни сотиб олган.
Уэльслик Гарет Бэйл ярим миллион долларга Lamborghini Aventador родстерини харид қилиб, эксклюзив спорткар эгалари қаторига қўшилди, аммо кейинчалик уни сотиб юборди.
Германия термаси дарвозабони Мануэль Нойер 120 минг евролик тезкор Audi RS6 Avant автомобилини минади. Шунга ўхшаш машина, аниқроғи Audi RS5 Испания термаси ҳимоячиси Серхио Рамосда ҳам бор.
Германия терма жамоаси ярим ҳимоячиси Месут Ўзил Ferrari 458 Speciale спорткарини ҳайдайди, у тахминан 300 минг доллар туради.
Италия термаси дарвозабони Жанлуижи Буффон ўзидек юлдуз учун жуда оддий бўлган Audi Q7 кроссоверида ҳаракатланади.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)