Спорт гимнастикаси бўйича Ўзбекистон терма жамоаси етакчиси Оксана Чусовитина Зика вирусидан қўрқмайди ва Бразилиядаги Олимпиада ўйинларига боришга қатъий бел боғлаган, деб ёзади «1news.uz». 41 ёшли спортчи учун бу еттинчи Олимпиададир.
Олимлар фикрига кўра, Зика вируси ҳомиладорларда бола ривожланишидаги кўплаб тўсқинликларни келтириб чиқариши мумкин. Ушбу вирус туфайли кўп спортчилар Бразилиядаги Олимпиада ўйинларига боришдан бош тортмоқда.
«Мен подиум ва медаллар ҳақида гапирмоқчи эмасман, ҳозир Олимпиадага максимал даражада тайёр ва соғлом ҳолда бориш муҳимдир. Зика вируси? Мен Бразилияга ҳомиладор бўлиш учун бораётганим йўқ», — дея Чусовитинанинг сўзларидан иқтибос келтирди Associated Press.
Изоҳ (0)