АҚШда чоп этиладиган Consumer Reports журнали ўтган ойда ҳимояланган смартфон сифатида тақдим этилган Samsung Galaxy S7 Active синовини ўтказди. Ишлаб чиқарувчи қурилма 1,5 метр чуқурликдаги сувда ярим соат қолиб кетишни кўтаришга қодирлигига ишонтирганди, бироқ нашрнинг икки синови натижалари бунинг аксини кўрсатди. Бу ҳақда TJournal хабар бермоқда.
Журнал мутахассислари қурилма нусхасини 30 дақиқага 14,6 килопаскаль босим (бу 1,5 метр чуқурликдаги босимга тенг) остидаги сувли идишга жойлаштирди. Чиқариб олинганидан сўнг камера ойнаси остида сув томчилари аниқланди, экранда яшил чизиқлар пайдо бўлди, сенсорли модул эса бармоқ тегишини сезмай қолди.
Consumer Reports ишонч ҳосил қилиш учун тажрибани бошқа Galaxy S7 Active смартфони билан такрорлаб кўрди. Мазкур қурилма ҳам синовдан ўтолмади: сув камера ойнаси ва SIM йўлакчаси остига сизиб кирди, экран эса ўчиб-ёна бошлади.
Изоҳ (0)