Lavozimidan vaqtincha chetlatilgan Braziliya prezidenti Dilma Russeff parlament quyi palatasi spikeri Eduardu Kunya kabi iste’fo berish niyatida emasligini bildirdi. Bu haqda u 8-iyul, juma kuni San-Pauluda tarafdorlari bilan uchrashuvi chog‘ida ma’lum qildi, deya xabar beradi “TASS”.
“Lavozimimdan o‘z ixtiyorim bilan ketishimni iltimos qilishdi, ko‘ndirmoqchi bo‘lishdi, hatto bosim o‘tkazishdi. Biroq men hech qachon bunday qilmayman. Bilasizmi, nima uchun? Chunki xalq menga 54 million ovozini bergan”, — deya ta’kidladi Russeff.
Dilma Shveysariya prokuraturasi nomiga ochilgan bir necha bank hisob raqamlarini yopib qo‘ygach, tergovchilar korrupsiya va moliyaviy g‘irromliklarda ayblovlarni ilgari surgan Kunyani nazarda tutar ekan, “Shveysariyada hisob raqamlarim yo‘q, hech qachon o‘g‘rilik qilmaganman”, —dedi.
Ma’lumot uchun, 7-iyul, payshanba kuni Braziliya parlamenti quyi palatasi raisi lavozimidan iste’fo bergan Kunya Dilma Russeffga nisbatan impichment jarayoni ishga tushirilishida asosiy rol o‘ynagandi.
Izoh (0)