Лавозимидан вақтинча четлатилган Бразилия президенти Дилма Руссефф парламент қуйи палатаси спикери Эдуарду Кунья каби истеъфо бериш ниятида эмаслигини билдирди. Бу ҳақда у 8 июль, жума куни Сан-Паулуда тарафдорлари билан учрашуви чоғида маълум қилди, дея хабар беради «ТАСС».
«Лавозимимдан ўз ихтиёрим билан кетишимни илтимос қилишди, кўндирмоқчи бўлишди, ҳатто босим ўтказишди. Бироқ мен ҳеч қачон бундай қилмайман. Биласизми, нима учун? Чунки халқ менга 54 миллион овозини берган», — дея таъкидлади Руссефф.
Дилма Швейцария прокуратураси номига очилган бир неча банк ҳисоб рақамларини ёпиб қўйгач, терговчилар коррупция ва молиявий ғирромликларда айбловларни илгари сурган Куньяни назарда тутар экан, «Швейцарияда ҳисоб рақамларим йўқ, ҳеч қачон ўғрилик қилмаганман», —деди.
Маълумот учун, 7 июль, пайшанба куни Бразилия парламенти қуйи палатаси раиси лавозимидан истеъфо берган Кунья Дилма Руссеффга нисбатан импичмент жараёни ишга туширилишида асосий роль ўйнаганди.
Изоҳ (0)