Futbol bo‘yicha Argentina terma jamoasining sobiq bosh murabbiyi Diyego Maradona o‘zini mamlakat olimpiya jamoasi murabbiyi sifatida taklif etdi. Bu haqda “Chempionat” xabar bermoqda.
Maradona Argentina futbol assotsiatsiyasida bo‘lib, milliy jamoadagi sobiq sheriklaridan biri Xulio Olartikoechea va ayrim mansabdorlar bilan uchrashdi. Olartikoechea olimpiya terma jamoasi bosh murabbiyi etib tasdiqlangan, biroq Maradona u bilan birgalikda boshqaruvni qo‘liga olish istagini bildirmoqda. AS nashriga ko‘ra, Diyego shu tariqa Argentina futboli va terma jamoaga ko‘mak berish niyatida.
Ma’lumot uchun, navbatdagi yozgi Olimpiada o‘yinlari shu yilning 5—21-avgust kunlari Rio-de-Janeyroda bo‘lib o‘tadi.
Izoh (0)