Tinchlik bo‘yicha Nobel mukofoti sohibi, yozuvchi Eli Vizel 2-iyul, shanba kuni vafot etdi, deya xabar bermoqda “RBK”.
U mukofotni 1986-yilda qo‘lga kiritgan. “Uning murojaati Gitlerning o‘lim lagerlarida namoyish qilingan ommaviy qirg‘in va insoniyatga nisbatan nafrat bo‘yicha o‘z shaxsiy tajribasiga asoslangan”, — deyilgandi Nobel qo‘mitasining 1986-yilgi xabarida.
Yozuvchi Ruminiyada 1928-yilda tug‘ilgan. 1944-yilda oilasi bilan birga konsentratsion lagerlarga tushib qolgan. U yerdan ozod etilgunga qadar Vizel va uning singillarigina omon qolgan.
1956-yilda u o‘zining birinchi avtobiografik kitobini yozib, uni “Dunyo esa sukut saqladi” deb nomladi. Keyinchalik kitobning “Tun” nomi ostida qisqartirilgan versiyasi chiqarildi.
Vizel Yel va Boston universitetlarida dars berdi. Nobel mukofotidan tashqari, u Prezident Ozodlik medali, AQSh Kongressi Oltin medali va Faxriy legion ordeni bilan taqdirlangan.
Izoh (0)