Холокостни бошидан кечирган Нобель мукофоти соҳиби вафот этди

Тинчлик бўйича Нобель мукофоти соҳиби, ёзувчи Эли Визель 2 июль, шанба куни вафот этди, дея хабар бермоқда «РБК».

У мукофотни 1986 йилда қўлга киритган. «Унинг мурожаати Гитлернинг ўлим лагерларида намойиш қилинган оммавий қирғин ва инсониятга нисбатан нафрат бўйича ўз шахсий тажрибасига асосланган», — дейилганди Нобель қўмитасининг 1986 йилги хабарида.

Ёзувчи Руминияда 1928 йилда туғилган. 1944 йилда оиласи билан бирга концентрацион лагерларга тушиб қолган. У ердан озод этилгунга қадар Визель ва унинг сингилларигина омон қолган.

1956 йилда у ўзининг биринчи автобиографик китобини ёзиб, уни «Дунё эса сукут сақлади» деб номлади. Кейинчалик китобнинг «Тун» номи остида қисқартирилган версияси чиқарилди.

Визел Йель ва Бостон университетларида дарс берди. Нобель мукофотидан ташқари, у Президент Озодлик медали, АҚШ Конгресси Олтин медали ва Фахрий легион ордени билан тақдирланган.