Iroq poytaxtining Karrada tumanidagi shialar ziyoratgohi yaqinida avtomobil portlatilishi oqibatida kamida 21 kishi halok bo‘ldi va 45 kishi jarohatlandi. Bu haqda “Interfaks” xabar bermoqda.
Bag‘doddagi harbiy qo‘mondonlik vakiliga ko‘ra, minalashtirilgan mashina Karrada markazida, odamlar bayram tayyorgarligi uchun bozorlik qilayotgan chog‘da sodir bo‘lgan.
Birinchi portlashdan keyinoq Bag‘dod shimolidagi bozor hududida joylashgan sharshara yaqinida yana bir minalashtirilgan avtomobil portladi. Ikkinchi teraktda olti kishi qurbon bo‘ldi, 12 kishi yaralandi.
Mazkur portlashlar uchun javobgarlikni IShID o‘z zimmasiga oldi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)