Saudiya Arabistoni hukumati shu yil Makkaga haj safariga keladigan ziyoratchilarga elektron bilaguzuklar tarqatadi, deya xabar bermoqda “Interfaks”.
Bilaguzukda foydalanuvchining shaxsiy va tibbiy ma’lumotlari saqlanadi, bu yordam ko‘rsatish zarur bo‘lib qolgan vaqtda ziyoratchilar shaxsini aniqlash imkonini beradi.
Shuningdek, bilaguzuklar namoz vaqtini ko‘rsatadi hamda arab tilini bilmagan dindorlarga adashib ketmaslik uchun yordam beradi.
Bundan tashqari, ziyoratchilar to‘planadigan joylarga mingdan ortiq kuzatuv kameralari o‘rnatildi.
Mamlakat hukumati bunday choralar ko‘rishiga o‘tgan yilgi tiqilinchda 750 dan ortiq kishi halok bo‘lib, 900 dan ziyodi jarohatlangani sabab bo‘ldi.
Izoh (0)