Filippin prezidenti etib saylangan Rodrigo Duterte Maniladagi prezident saroyida yangi davlat rahbari sifatida qasamyod qabul qildi. Bu haqda, Frans Press agentligi ma’lumotiga tayanib, “RIA Novosti” xabar bermoqda.
Duterte may oyida bo‘lib o‘tgan saylov natijalariga ko‘ra prezident etib saylandi. Rasmiy ma’lumotlarga ko‘ra, Duterte nomzodi uchun 16,6 milliondan ortiq saylovchi ovoz bergan.
Uning raqibi — parlamentariy Leni Robredo 14,4 million ovoz to‘plab, mamlakat vitse-prezidenti bo‘ldi. Prezidentlik saylovlarida nomzodini qo‘yishdan avval Duterte 22 yildan ortiq Davao shahri meri lavozimini egallab kelgan.
Saylov natijalari e’lon qilingandan so‘ng, bo‘lajak prezident bir qator bir-biriga zid fikrlar bildirdi. Jumladan, u mamlakatda o‘lim jazosini qayta tiklamoqchi ekanligini ma’lum qildi. Shu bilan birga, qasamyod qabul qilish uchun keltirilgan davlat rahbari maochilar bilan muzokaralarni qayta yo‘lga qo‘yishga tayyor ekanligi ma’lum qilindi.
Izoh (0)