Филиппин президенти этиб сайланган Родриго Дутерте Маниладаги президент саройида янги давлат раҳбари сифатида қасамёд қабул қилди. Бу ҳақда, Frans Press агентлиги маълумотига таяниб, «РИА Новости» хабар бермоқда.
Дутерте май ойида бўлиб ўтган сайлов натижаларига кўра президент этиб сайланди. Расмий маълумотларга кўра, Дутерте номзоди учун 16,6 миллиондан ортиқ сайловчи овоз берган.
Унинг рақиби — парламентарий Лени Робредо 14,4 миллион овоз тўплаб, мамлакат вице-президенти бўлди. Президентлик сайловларида номзодини қўйишдан аввал Дутерте 22 йилдан ортиқ Давао шаҳри мэри лавозимини эгаллаб келган.
Сайлов натижалари эълон қилингандан сўнг, бўлажак президент бир қатор бир-бирига зид фикрлар билдирди. Жумладан, у мамлакатда ўлим жазосини қайта тикламоқчи эканлигини маълум қилди. Шу билан бирга, қасамёд қабул қилиш учун келтирилган давлат раҳбари маочилар билан музокараларни қайта йўлга қўйишга тайёр эканлиги маълум қилинди.
Изоҳ (0)