Gavanada Kolumbiya hukumati va Kolumbiya Inqilobiy qurolli kuchlari (FARC) o‘t ochish va harbiy harakatlarni to‘xtatish haqidagi ikki tomonlama va yakuniy bitimni imzoladi. Bu haqda “TASS” xabar bermoqda.
O‘t ochishni butunlay to‘xtatish, siyosatda quroldan foydalanishni taqiqlovchi yangi madaniyatning rivojlanishiga ko‘maklashish va kelishuv imzolangandan so‘ng, 180 kunlik muddatda qurolsizlanishni ta’minlash uchun “yo‘l xaritasi”ni ishlab chiqish e’lon qilingan hujjatning asosiy bandlaridan joy olgan.
Shu bilan bir paytda kelishuvga rioya etilishini kuzatish va nazorat qilish uchun tarkibiga Kolumbiya hukumati, FARC hamda Lotin Amerikasi va Karib havzasi mamlakatlari hamjamiyatiga a’zo mamlakatlardan kuzatuvchilar bilan BMT vakillari kiruvchi uch tomonlama mexanizm o‘rnatilmoqda.
Ekspertlarning fikricha, imzolangan hujjat tomonlarni 50 yildan ortiq davom etib kelayotgan va 260 mingga yaqin kishini hayotdan olib ketgan mojaro yakuniga har qachongidan ham ko‘proq yaqinlashtirdi.
Izoh (0)