O‘zbekistonda 22-iyun, chorshanba kuni butun mamlakat bo‘ylab kuchli shamol kuzatiladi. Bu haqda “O‘zgidromet” markazi xabar bermoqda.
Xabar berishlaricha, 22-iyunga o‘tar kechasi O‘zbekistonning tog‘li hududlarida havo harorati +8...+13 daraja, Toshkent shahrida +19...+21 daraja, mamlakatning qolgan hududlarida +23...+25 darajagacha iliq bo‘ladi.
22-iyun kuni kunduzi tog‘li joylarda havo harorati +15...+20 daraja, Farg‘ona vodiysi viloyatlarida +25...+30 daraja, Toshkent shahrida +30...+32 daraja, qolgan hududlarda +35...+38 darajagacha issiq bo‘ladi.
O‘zbekistonning tog‘li hududlarida, Toshkent, Andijon, Namangan, Farg‘ona viloyatlarida yog‘ingarchilik va momaqaldiroq kutiladi. Toshkentda ham yog‘ingarchilik kutiladi, biroq momaqaldiroq bo‘lmaydi, butun mamlakat bo‘ylab shamol tezligi soniyasiga 17—20 metrgacha kuchayishi kutilmoqda.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)