Yevro—2016. Krishtianu Ronaldu penalti urolmagan o‘yinda Portugaliya Avstriyani mag‘lub eta olmadi

Yevro—2016 ning so‘nggi guruhida kurash olib borayotgan Portugaliya terma jamoasi qatorasiga ikkinchi uchrashuvda ham 2 ochko yo‘qotdi.

“E” guruhining 2-turida Avstriyaga qarshi maydonga tushgan Portugaliya 0:0 hisobiga imzo chekdi. Qayd etish kerak, 1-turda portugallar Islandiya bilan 1:1 hisobida durang o‘ynagan bo‘lsa, Avstriya terma jamoasi futbolchilari Vengriyadan 0:2 hisobida yengilgandi.

Uchrashuvning 79-daqiqasida Krishtianu Ronaldu Avstriya darvozasi tomon belgilangan penaltini aniq amalga oshira olmadi. Bir daqiqa oldigan avstriyalik futbolchilar uning o‘zini qo‘pollik bilan to‘xtatib qolgandi.

85-daqiqaga kelib Ronaldu hisobni ochishga ham muvaffaq bo‘lgandi. Uchrashuvni boshqarib borgan italiyalik Nikola Ritssoli o‘yindan tashqari holatni aniqlab, golni inobatga olmadi.

Ma’lumot uchun, Avstriyaga qarshi o‘yin Ronaldu uchun Portugaliya termasi libosidagi 128-uchrashuv bo‘lib, hujumchi bu borada Luish Figuning rekordini yangilashga muvaffaq bo‘lgandi.

2-turdan keyin Vengriya termasi 4 ochko bilan guruhni boshqarib turibdi. Islandiya va Portugaliya hisobida 2 tadan ochko bor. Avstriya esa 1 ochko jamg‘argan.

[wpse_match id="351449" show_title=1]