Futbol bo‘yicha O‘zbekiston mliliy terma jamoasi 24-avgust kuni Yamanga qarshi xalqaro o‘rtoqlik uchrashuvi o‘tkazadi. Bu haqda FIFA rasmiy saytida ma’lumot berilgan.
Uchrashuv aynan qayerda o‘tkazilishiga aniqlik kiritilmagan. Milliy terma jamoa 1-sentabr kuni Toshkentda Suriyaga qarshi JCh—2018 saralash uchrashuvini o‘tkazishi hisobga olinsa, Yamanga bilan o‘yin katta ehtimol bilan O‘zbekistonda tashkil etiladi.
Avvalroq O‘zbekiston milliy terma jamoasi 24-iyul kuni Iroq terma jamoasiga qarshi o‘rtoqlik uchrashuvi o‘tkazishi haqida xabar berilgan edi. Uchrashuv Toshkentda bo‘lib o‘tadi.
O‘zbekiston milliy terma jamoasi o‘zining so‘nggi uchrashuvini 7-iyun kuni Kanada terma jamoasiga qarshi o‘tkazgan va 1:2 hisobida imkoniyatni boy bergan edi. Bungacha milliy terma jamoaning Qirg‘iziston va Ekvatorial Gvineyaga qarshi o‘yinlari bekor qilingan edi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)