Ispaniya qiroli Alfonso XIII ning o‘g‘li Leandro de Burbon 88 yoshida vafot etdi. Uning salomatligi yil boshida o‘tkazilgan zotiljamdan so‘ng keskin yomonlashgandi. Bu haqda “TASS” xabar bermoqda.
1929-yilda dunyoga kelgan Leandro de Burbon Ispaniya qiroli Alfonso XIII (1886—1941) va aktrisa Karmen Ruis Moragasning (1896—1936) nikohsiz tug‘ilgan o‘g‘li edi. Umrining katta qismini o‘zini Burbonlar oilasi a’zosi sifatida tan olishlariga sarfladi. Bunga u 2003-yildagina erishdi.
Leandro de Burbon ikki bor uylangan, sakkiz nafar farzandning otasi edi.
Izoh (0)