Испания қироли Альфонсо XIII нинг ўғли Леандро де Бурбон 88 ёшида вафот этди. Унинг саломатлиги йил бошида ўтказилган зотилжамдан сўнг кескин ёмонлашганди. Бу ҳақда «ТАСС» хабар бермоқда.
1929 йилда дунёга келган Леандро де Бурбон Испания қироли Альфонсо XIII (1886—1941) ва актриса Кармен Руис Морагаснинг (1896—1936) никоҳсиз туғилган ўғли эди. Умрининг катта қисмини ўзини Бурбонлар оиласи аъзоси сифатида тан олишларига сарфлади. Бунга у 2003 йилдагина эришди.
Леандро де Бурбон икки бор уйланган, саккиз нафар фарзанднинг отаси эди.
Изоҳ (0)