Filadelfiya (Pensilvaniya shtati, AQSh) shahar kengashi deputatlari shakar yoki istalgan boshqa shirin ta’m beruvchi qo‘shimchalarga ega alkogolsiz ichimliklarga maxsus soliq joriy etish haqida qaror qabul qildi. Bu haqda “RBK” xabar bermoqda.
Qarorga ko‘ra, 2017-yilning 1-yanvaridan boshlab Coca-Cola, Pepsi yoki boshqa shirin gazli ichimlikning har bir unsiyasidan (taxminan 29,5 millilitr) shahar budjetiga 1,5 sent ajratilishi lozim. Shu tariqa odatiy banka narxi 18 sent, ikki litrli butilka bahosi esa 1,02 dollarga ko‘tariladi.
Filadelfiya rasmiylari hisob-kitobiga ko‘ra, yangi soliq shahar g‘aznasiga yiliga 91 million dollar keltiradi. Bu mablag‘ni meriya bog‘lar va sport markazlarini rivojlantirishga sarflash va shu tariqa o‘ta kaloriyali ichimliklar shaharliklar sog‘lig‘iga yetkazayotgan zararni qisman qoplashga ko‘maklashish niyatida.
Izoh (0)