O‘zbekistondan noqonuniy olib chiqib ketishga urinish chog‘ida musodara etilgan 250 dan ortiq Markaziy Osiyo toshbaqasi Toshkent viloyatining Qurama tog‘ tizmasi etaklariga qo‘yib yuborildi. Bu haqda “Gazeta.uz” xabar bermoqda.
Mart—aprel oylaridagi tezkor tadbirlar davomida 2949 dona toshbaqa musodara etilgan va vaqtincha saqlash uchun Global Master Group yovvoyi hayvonlar pitomnigiga berilgandi.
Toshbaqalarni tabiat qo‘yniga qaytarish bo‘yicha tadbir 10-iyun, juma kuni Tabiatni muhofaza qilish davlat qo‘mitasi hamda Hayvonot va o‘simlik dunyosini asrash va ulardan oqilona foydalanish bo‘yicha respublika davlat inspeksiyasi (Davbionazorat) mutaxassislari ishtirokida bo‘lib o‘tdi.
Toshbaqalar kichik guruhlarga bo‘lindi va Qurama tog‘ tizmasi atrofidagi bir necha teng uzoqlikdagi nuqtalarga qo‘yib yuborildi.
Izoh (0)