Shu yozda Toshkentda 62 ta — 26 ta statsionar va 36 ta kunduzgi bolalar sog‘lomlashtirish oromgohlari faoliyat yuritadi. Bu haqda poytaxt hokimligida bo‘lib o‘tgan matbuot anjumanida ma’lum qilindi, deb yozadi “Gazeta.uz”.
Shahardagi oromgohlarda ta’til davomida jami 43,5 ming bola dam olishi rejalashtirilgan. Bundan tashqari, uchta “Mehribonlik” uyida 405 tarbiyalanuvchining barchasi dam oladi.
Maktablar qoshidagi 36 ta kunduzgi oromgoh o‘n kunlik to‘rtta smena davomida 16 mingdan ziyod bolani qabul qilishi kutilmoqda. O‘quvchilar chet tillari, sport bilan shug‘ullanadi, turli o‘yinlar o‘ynaydi.
Oromgohga jalb etilmagan o‘quvchilar uchun 228 ta maktab huzurida sport maydonchalari ish olib boradi. O‘quvchilar ixtiyorida, shuningdek, 12 ta “Barkamol avlod” bolalar ijod markazi, to‘garaklar va sport seksiyalari bo‘ladi.
Bundan tashqari, sportning o‘nta turi bo‘yicha “Ta’til — 2016” musobaqalari bo‘lib o‘tadi.
Izoh (0)