Orlandoda (Florida shtati, AQSh) noma’lum shaxs tomonidan qo‘lga olingan Pulse klubi yaqinida portlash sodir bo‘ldi. Bu haqda, mahalliy matbuotga asoslanib, “Interfaks” xabar bermoqda.
Politsiya bu boshqariluvchi portlash bo‘lganligini tasdiqladi.
Ilgariroq noma’lum shaxs klubda o‘t ochib, tashrifchilarni garovga olgani ma’lum bo‘lgan edi. Politsiya jinoyatchi bilan muzokaralar olib borishga tayyorgarlik ko‘rayotgan edi. Voqea joyiga portlash texnikasi bo‘yicha mutaxassislar va o‘nlab tez yordam mashinalari yetib keldi. OAV yaralanganlar soni 20 kishidan oshishini xabar qilmoqda. Voqea guvohlari ijtimoiy tarmoqlar orqali otishmada qurbon bo‘lganlar ham borligini e’tirof etmoqda.
Izoh (0)