AQSh mezbonlik qilayotgan futbol bo‘yicha Amerika Kubogi–2016 turnirining “D” guruhi ikkinchi turidan o‘rin olgan uchrashuvlar o‘z yakuniga yetdi. Unga ko‘ra, Argentina terma jamoasi muddatidan avval pley-off yo‘llanmasiga ega bo‘ldi.
Dastlabki o‘yinda Chili terma jamoasi qiyinchilik bilan Boliviyani 2:1 hisobida mag‘lubiyatga uchratdi. O‘yinning 46-daqiqasida Arturo Vidal hisobni ochgan bo‘lsa, 61-daqiqada Kampos jarima zarbasini aniq amalga oshirib, muvozanatni tikladi. Arturo Vidal hakam tomonidan o‘yinga qo‘shib berilgan vaqtning 10-daqiqasida penaltidan unumli foydalanib, Chili terma jamoasiga g‘alaba keltirgan gol muallifi bo‘ldi.
Shunday qilib, Chili terma jamoasi qimmatli uch ochkoga ega bo‘ldi va pley-off bahslari uchun kurashni davom ettiradi. Har ikki o‘yinda mag‘lubiyatga uchragan Boliviya terma jamoasi musobaqa bilan xayrlashdi.
Guruhning ikkinchi o‘yinida Argentina terma jamoasi 31-daqiqadan boshlab bir kishi kam bo‘lib harakat qilgan Panamani 5:0 hisobida mag‘lubiyatga uchratdi. 61-daqiqada zaxiradan maydonga tushgan Lionel Messi xet-trik qayd etgan bo‘lsa, Nikolas Otamendi va Serxio Aguero bittadan gol kiritdi. Shunday qilib, 6 ochko to‘plagan holda Argentina pley-off bosqichiga muddatidan avval yo‘llanma oldi.
Hisobida 3 ochko mavjud bo‘lgan Panama terma jamoasi so‘nggi turda xuddi shuncha ochkoga ega bo‘lgan Chili bilan yuzma-yuz keladi. Bo‘lajak bahsda ikkinchi pley-off yo‘llanmasi hal bo‘ladi.
Amerika Kubogi–2016“D” guruhi, 2-tur11-iyun, shanba
Chili – Boliviya 2:1 (0:0, 2:1)
Gollar: 1:0 – 46 Vidal, 1:1 – 61 Kampos, 2:1 – 90+10, penalti Vidal.Argentina – Panama 5:0 (1:0, 4:0)
Gollar: 1:0 – 7 Otamendi, 2:0 – 68 Messi, 3:0 – 78 Messi, 4:0 – 87 Messi, 5:0 – 90 Aguero.Argentina – Romero, Otamendi, Roxo, Merkado, Funes Mori, Fernandes (Messi, 61), Maskerano, Banega, Gaytan, Di Mariya (Lamela, 43), Iguain (Aguero, 76).
Chetlatish: Godoy (31).
Izoh (0)