Bugun, 10-iyun kuni nufuzi jihatdan futbol olamida Jahon chempionatidan keyingi o‘rinda turuvchi Yevropa chempionati musobaqasi start oladi. Bir oy davomida yevrofutbol muxlislari bir-biridan qiziqarli bellashuvlarga guvoh bo‘lishlari mumkin.
So‘nggi yillarda Ispaniya va Germaniya terma jamoalari jahon miqyosida ham, qit’a darajasida ham yetakchilikni qo‘ldan bermayapti. Biroq “to‘p dumaloq, maydon tekis” degan naqli bor futbolda ba’zan kutilmagan natijalar ham qayd etilib turadi — 2004-yilgi Yevroda Gretsiya chempion bo‘lganini eslash kifoya.
Birgina Gollandiyani hisobga olmasa, Yevropa futbolining barcha favoritlari Fransiyada bo‘ladigan musobaqa yo‘llanmasini qo‘lga kiritgan, shuningdek, Islandiya, Uels, Shimoliy Irlandiya kabi kutilmagan jamoalar ham bor — shunday ekan, har narsa bo‘lishi mumkin.
Xo‘sh, sizningcha Yevro—2016 da qaysi terma jamoa chempionlikni qo‘lga kiritadi?
[playbuzz-item playbuzz_url="muhrima10/yevro-2016-da-qaysi-terma-jamoa-g-oliblikni-qo-lga-kiritadi"]
Izoh (0)