Yoz haqiqiy futbol bayramiga aylandi — sizu bizni futbol bo‘yicha 2016-yilgi Yevropa chempionati uchrashuvlari kutib turibdi. “Daryo” internet-nashri Fransiya yashil maydonlarida bo‘ladigan futbol bahslarini munosib yoritish uchun astoydil tayyorgarlik ko‘rdi.
Yevro—2016 maxsus loyihasi
“Daryo” nashrida ochilgan maxsus Yevro—2016 sahifasida musobaqaga oid yangiliklar, uchrashuvlar taqvimi, jamoalar ro‘yxati, guruhlar jadvali, to‘purarlar ro‘yxati, shuningdek, jamoalar tarkibi, futbolchilarning statistika ma’lumotlari bilan tanishish mumkin.
So‘nggi vaqtlarda “Daryo” internet-nashri futbol muxlislari uchun qiziqarli bo‘lgan uchrashuvlar haqida batafsil ma’lumot berishga, ular arafasida test va so‘rovnomalar o‘tkazishga, o‘yinlardan matnli onlaynlar uyushtirishga, bahslarning tezkor, suratlar va videolarga boy sharhlarini berib borishga harakat qildi.
Yevro—2016 bahslari davomida ham “Daryo”da musobaqaga oid so‘rovnomalar, testlar, matnli onlaynlar, fotogalereyalar, tezkor xabarlar va boshqa yangi formatdagi materiallar berib borilishi davom etadi.
“Yevro—2016” qo‘shma aksiyasi
“Daryo” internet-nashri Ucell savdo belgisi bilan hamkorlikda Telegram messenjeridagi @daryobot botida “Yevro—2016” qo‘shma aksiyasini boshladi. Futbol bo‘yicha 2016-yilgi Yevropa chempionati uchrashuvlarini natijalarini to‘g‘ri topib, aqlli gadjetlarning egasiga aylanish imkoniyatini qo‘ldan boy bermang.Yevropa chempionati final uchrashuvi bo‘ladigan kun — 10-iyulga qadar har o‘yin kuni natijalar borasida o‘z taxminlarini kiritib borgan va yakunda eng ko‘p ball to‘plagan ishtirokchilar Ucell tomonidan taqdim etilgan qimmatbaho smartfonlar:
- 1-o‘rin uchun — Huawei P7
- 2-o‘rin uchun — Android One General Mobile
- 3-o‘rin uchun — Huawei Y360 bilan taqdirlanadi.
Yevro—2016 bahslarini “Daryo” bilan birga kuzating! Yangiliklar daryosidan chetda qolmang!
Izoh (0)